Аяулы аналар - Тәрбие сағаты - Ұстаздарға көмек - Скачать Рефераты, слайды, тесты - Қазақстандық оқушыларға тегін рефераттар сайты
MENU
Главная » Файлы » Ұстаздарға көмек » Тәрбие сағаты

Аяулы аналар
24.09.2015, 15:21
Тәрбие сағатының мақсаты: Наурызда Халықаралық әйелдер мерекесін атап өту. Анаға деген мейірім, сүйіспеншілікті арттыру, үлкенге ізет, кішіге үлгі болуға үйрету. Оқушы бойында ізгілік, инабаттылық, биязылық сияқты қазақ қызына тән жақсы қасиеттерді қалыптастыруға тәрбиелеу.
Көрнекілігі: мерекеге лайықты плакат, шарлар, гүлдер.

Тәрбие сағатының барысы: Ұйымдастыру кезеңі
Мұғалім: Құрметті Ұстаздар, асыл аналар, қызғалдақтай құлпырған арулар бүгінгі 8 - наурыз мерекесімен шын жүректен құттықтаймыз. Көктемнің шуақты күндеріндей жүздеріңізден қуаныш пен мейірім шапағатын шашып әр адамның жанына шипа бола берсін. Бұл күн жүрегімізді шуаққа бөлейтін ананың алақаны сияқты көктемнің алғашқы мерекесі. Табиғаттың оянуы осынау шуақты мерекеден бастау алатыны тегін болмаса керек. Осы күн ізгіліктің, мейірімділіктің, әдеміліктің нышаны. Аналар өмірді нұрландырып шаңыраққа шаттық нұрын сепкен. Аналарымыздың қолдаулары әркімнің жүрегінде сенімділік ұялатып, шуақ сыйлайды. Әлемдегі ең асыл жан ол Ана десек, жүрегімізде сүйікті жанға деген махаббат сезімі оянады. Ана бұл аяулы да мейірімді жан. Баланың тілі шыққаннан ақ бірінші сөзін ана деп айтады. Өмірдің есігін ашқаннан соң осы өмірдегі өзіңнің жан анаңды көресің. Осы бір "Ана" деген үш әріптің аясында адамзат баласын қуаныш сыйлар қаншалықты қасиет бар десеңші, Ару ана, Ару асыл жар, Ару көңілдің гүлі, Ару өмірдің жыры, тіпті айта берсек сөз жетпейді. Олай болса бүгінгі аналарға, аруларға арналған сыныбымыздың "Аяулы аналар" атты кешімізге қош келдіңіздер.
Оқушылар өздерінің дайындаған сыйлықтарын ұстаздарға, аналарға табыстайды.

Тақпақтар.
Мәусім:
Армысыздар, мұғалімдер, әз жандар
Білім іздеп, инемен құдық қазғандар
Құшақ жая қарсы аламыз сіздерді
Би, биленіп, ән де бүгін шырқалар

Жәнібек:
Мереке құтты болсын аналарым
Жүздеріңнен мейіріммен нұр тамар
Алдарыңда жауқазындай құлпырған
Балғын шақты біз бақытты балалар

Нұрбол:
Тал бесікке тірлікті ілмектеген
Мадақтауға ананы тіл жетпеген
Алатаудың шыңына ту тігеді
Анасына той жасап құрметтеген

Мерей:
Бізді өсіріп баптаған
Жақсы болсаң шаттанған
Алтыным деп мақтаған
Айналайын ақ мамам

Еркінбек:
Аналарды сүйеміз
Сөзін ойға түйеміз
Әжені де ардақтап
Әдеппен бас иеміз

Айтмұрат:
Келді көктем күннің
Күлімдейді гүлің
Алтын ойлы анам
Мерекеңіз бүгін

Исламбек:
Сіз біздің күнімізсіз жарқыраған
Анадан қуат алар жарты ғалам
Құны мен қасиетті тозбайтұғын
Біз үшін Ана деген алтын адам

Мұғалім: Жақсылықтың нышанындай жанын сүйген адамның жып-жылы құшағындай, саф алтындай тазалығы мен сұлулығын беретін жайма шуақ сәулелерін төгетін көңілдерге қуаныштар егетін имандылық пен пәк қыздардың мінезіндей ибалылық себетін деп тағы да мерекелеріңізбен.

Көрініс: "Ананың жұмбағы"

Автор: Бірде көп балалы ана ұлдарына былай депті
Ана: Балапандарым мен сендерге бір жұмбақ айтамын, сендер соны шешіңдер. Сендердің бәріңді 9 ай абақтыға жапса, одан шыққан соң ауызыңа өкпе тықса, арқаңды ағашқа таңса, сол адамға не істер едіңдер.
Тұңғыш ұлы: Мен оның басын балтамен шабар едім.
Екінші ұлы: Мен оны мылтық пен атып тастар едім.
Үшінші ұлы: Оның мұрнын бұзар едім.
Кенже ұлы: Жоқ, ана мына үшеуінің жасайтындары ақымақтың ісі. Ал мен болсам, ол адамды аялап өлгенше алақаныма салып бағар едім. Ол мені жарық дүниеге әкелуші адам. Ол асыл ана. Сіз бізді 9 ай көтердіңіз, бізге жарық дүние сыйладыңыз. Қырқынан шығардыңыз, ағаш бесікке бөледіңіз. Міне жұмбағыңыздың шешуі осы.
Ана: Жарайсың кенжетайым.
Хан: Әй, кенже ұлым. Көркіңе ақылың сай болып өсіпсің. Анаң екеуіміздің көңіліміз толды."Аяулы ана" атты патшалықты өзіне тапсырамын. Ана сыйлағанды Алла жарылқайды аналарыңды сыйлаңдар.
Автор: Сонымен хан жарлығы екі болмайды. Кенже ұлы ата тағына отырып, көңілді "Аяулы ана" патшалығын басқарыпты. Көңілді патшалық адамдарға нұрын шашып "Аяулы ана"деп жадыраған жайдары бір күнін асыл аналарымызға арнаған екен.
Исламбек: Адамзат ең алдымен ана алдында парыздар. Ана парызы алтынға бөлеуді, ақ орда салуды қаламайды, ана баласының ер жетіп, адам болуын қалайды. Анаға осыдан артық тарту таралғының керегі жоқ.
Айдана: Ана баласының ғана қамқоршысы емес, ол адамзат аталатынның амандығын тілеп, сол үшін қажырлы күреске шығады. Сондықтан да дүние жүзінің озық ойшыл жандары 8 - Наурызды Халықаралық әйелдер күні етіп белгілеген.

Толық нұсқасын жүктеу
Категория: Тәрбие сағаты | Добавил: Злой_Админ)) | Теги: Аяулы, аналар
Просмотров: 239 | Загрузок: 0 | Рейтинг: 0.0/0
Всего комментариев: 0
avatar