«Алтын қақпа» танымдық ойыны - Тәрбие сағаты - Ұстаздарға көмек - Скачать Рефераты, слайды, тесты - Қазақстандық оқушыларға тегін рефераттар сайты
MENU
Главная » Файлы » Ұстаздарға көмек » Тәрбие сағаты

«Алтын қақпа» танымдық ойыны
24.09.2015, 11:27
«Математика – ақыл ойдың әуені» онкүндігі (презентациясынмен)
«Алтын қақпа» танымдық ойыны

Мақсаты: Оқушылардың ой - өрісін кеңейту; Ойлау және танымдық қабілеттерін дамыту; Өз ойын тез тұжырымдай білуге, жылдам, дұрыс шешім қабылдай білуге баулу; Тіл байлығын молайту;
Ұжым намысын қорғауға ізденушілікке, тапқырлыққа тәрбиелеу;
Пәнге қызығушылығын арттыру;

Жоспары
Тас қақпаны ашу.
Күміс қақпаны ашу.
Алтын қақпаны ашу.
Алтын сандықты ашу.

Ойынның барысы:
Армысыңдар құрметті ұстаздар мен оқушылар! Бүгінгі «Алтын қақпа» танымдық ойынына қош келіпсіздер!

Ойын шарты:
Ойын іріктеу және негізгі үш кезеңнен тұрады, әр кезеңнің өз тапсырмалары бар.
Бұнда кездесетін тапсырмалар жан - жақты қамтылған әр түрлі тақырыптарда келеді. Мысалы: «Логикалық есептер», «Салт – дәстүр», «Мақал – мәтелдер».
Алғашқы іріктеу кезеңінен өткен оқушылар ғана ойынға қатыса алады.
1 - кезеңдегі сұраққа дұрыс жауап берілсе, «Тас қақпа» ашылады.
2 - кезеңдегі сұраққа дұрыс жауап берілсе, «Күміс қақпа» ашылады.
3 - кезеңдегі сұраққа дұрыс жауап берілсе, «Алтын қақпа» ашылады.

«Алтын қақпа» ашылғаннан кейін көмбеде «Алтын сандық» бар. Алтын сандықтың да өз тапсырмасы бар.
Ал енді, «Алтын қақпа» танымдық ойынымызды бастау үшін, алдымен «Іріктеу кезеңін» өткізейік. Бұл кезеңге барлығыңызда қатыса аласыздар.
«Іріктеу кезеңінің» тапсырмалары төмендегідей:
1. Сандар сыры сан алуан
Үш дана
Үш байлық
Үш жұрт
Үш арсыз
Бес асыл
Бес дұшпан
Бес қару
Жеті қазына
Жеті ата
Жеті жоқ

Алдымен дұрыс жауап берген 3 оқушы ойынға қатыса алады.
2. Сиқырлы шаршы
ИЦҮШБӨОАРЫКЛ
НБҰПЕШАЫЖАЙН
ЛТҮЗЫҚ
БӨЛУСО
Алдарыңда іші әріпке толы шаршы. Бұл әріптерді оңнан солға, солдан оңға, төменнен жоғары, жоғарыдан төменге қарай әріптерді қоссаң математикалық мағынасы бар сөздерді табасың. Бір әріп бірнеше рет қайталануы мүмкін.
Алдымен дұрыс жауап берген 3 оқушы ойынға қатыса алады.

3. С әрпі
С әрпінен басталатын 7 математикалық сөз атаңыз.
Алдымен дұрыс жауап берген 3 оқушы ойынға қатыса алады.
Сонымен «Іріктеу кезеңі» аяқталды. Бүгінгі «Алтын қақпа» танымдық ойынына іріктеу кезеңінен өткен 9 оқушы қатысады. Ойыншыларды алғашқы жеңісімен құттықтап, әрі қарай сәттілік тілейміз!

«Тас қақпада» мынадай сұрақтар жасырынған:
1 - тапсырма:
Жаңбыр екі күн қатар жауа ала ма?
Цифрларының барлығы әр түрлі болатын ең кіші он таңбалы санды жаз.
Алдымен дұрыс жауап берген 2 ойыншы «Күміс қақпаға» өтеді.
2 - тапсырма:
Тіркесін тап:
Тіл тас жарады …
Ерді намыс өлтіреді …
Басқа елде сұлтан болғанша …

Ақылсыз сұрақ беріп...
Жігітке жеті өнер де аз,...
Айдағаны бес ешкі...
Жұт жеті...
Екі қолға...
Алдымен дұрыс жауап берген 2 ойыншы «Күміс қақпаға» өтеді.

3. П әрпі
П әрпінен басталатын 7 математикалық сөз атаңыз
Алдымен дұрыс жауап берген 2 ойыншы «Күміс қақпаға» өтеді.
Сонымен «Тас қақпа» ашылды. «Күміс қақпаға» 6 ойыншымыз өтті. Құттықтаймыз! Ойынымызды жалғастырамыз.

«Күміс қақпада» мынадай сұрақтар жасырынған:
1 - тапсырма:
Төмендегі есепті шығарып, 2030 жылдың 1 қаңтары аптаның қай күні болатынын біл.
Алдымен дұрыс жауап берген 1 ойыншы «Алтын қақпаға» өтеді.

2 - тапсырма:
Екі санның қосындысы 495 - ке тең. Сандардың біреуі нөлмен аяқталады. Егер осы нөлді сызып тастаса, онда екінші сан шығады. Осы сандарды тап.
Алдымен дұрыс жауап берген 1 ойыншы «Алтын қақпаға» өтеді.

3 - тапсырма: «Сиқырын тап»
Алдымен дұрыс жауап берген 1 ойыншы «Алтын қақпаға» өтеді.
«Күміс қақпа» ашылды.
Сонымен «Күміс қақпа» ашылды. «Алтын қақпаға» 3 ойыншымыз өтті. Құттықтаймыз! Ойынымызды жалғастырамыз.

«Алтын қақпада» мынадай сұрақтар жасырынған:
І. Ғалымдардың өмір сүрген жылдарын араб цифрларымен жазыңдар:

1. Академик, физика - математика ғылымдарының докторы Орынбек Ахметұлы Жәутіков MCMXI жылы туып, MCMLXXXIX жылы қайтыс болды.
2. Математик, профессор Асқар Закарияұлы Закарин МСМVIII – МСМ LXXXIХ жылдары өмір сүрген.
3. Математик, профессор Төлеубай Ыдырысұлы Аманов МСМХХІІІ – МСМLXXVIII жылдары өмір сүрген.
4. Математик, физика - математика ғылымдарының докторы, профессор Базарбай Мәмбетұлы Оразбаев МСМХІІ – МСМLXXXI жылдары өмір сүрген.
5. Математик, профессор Мыңбай Өтежанұлы Ысқақов МСМХХІ – МСМLXXXIІІ жылдары өмір сүрген.
Алдымен дұрыс жауап берген 1 ойыншы бүгінгі «Алтын қақпа» танымдық ойынының жеңімпазы.
«Алтын қақпа» ашылды. бүгінгі «Алтын қақпа» танымдық ойынының жеңімпазын құттықтаймыз!
Ал енді көмбедегі «Алтын сандықты» ашуға дайынбыз ба?

«Алтын сандықта» төмендегі тапсырма жасырынған:
Он дөңгелек
Он дөңгелек суреттегідей төмен қараған үшбұрыш түрінде орналасқан. Үш дөңгелекті қозғап, үшбұрышты жоғары қаратып орналастыру керек.
«Алтын сандық» ашылды. Ішіндегі сыйлық сізге арналған. Жеңісіңізбен құттықтаймыз!
Көмбеге де жетіп, «Алтын сандықтың да» тапсырмаларын орындадық. Бұдан біз бүгінгі ойыншыларымыздың сегіз қырлы бір сырлы екендеріне көзіміз жетті деп, олардан жақсы нәтижелер күтуге болады деп сенім білдіре отырып, «Алтын қақпа» танымдық ойынын аяқтаймыз. «Алтын қақпа» танымдық ойынына өте жақсы шабытпен қатысып, сұрақтарға жақсы жауап бергендеріңізге көп-көп рахмет. Келесі ойында кездескенше, сау-саламат болыңыздар!

Толық нұсқасын+презентациясын жүктеу
Категория: Тәрбие сағаты | Добавил: Злой_Админ)) | Теги: «Алтын, танымдық, қақпа», ойыны
Просмотров: 182 | Загрузок: 0 | Рейтинг: 0.0/0
Всего комментариев: 0
avatar