Ел үмітін ер ақтар, ер атағын ел сақтар. Ұлы Жеңістің 70 жылдығы - Тәрбие сағаты - Ұстаздарға көмек - Скачать Рефераты, слайды, тесты - Қазақстандық оқушыларға тегін рефераттар сайты
MENU
Главная » Файлы » Ұстаздарға көмек » Тәрбие сағаты

Ел үмітін ер ақтар, ер атағын ел сақтар. Ұлы Жеңістің 70 жылдығы
24.09.2015, 10:34
Ел үмітін ер ақтар, ер атағын ел сақтар

Мақсаты: Ұлы Отан соғысы туралы, ел еркіндігін, бостандығын қанымен қорғаған қазақтың тұңғыш генералы Сабыр Рахымовтың ерлік істерімен танысу. Батыр атамыздың ерліктеріне сүйене отырып, Отанға деген сүйіспеншілікті арттыру. Ұлы Отан соғысында ерлік көрсеткен атамыздың ерлік істерін қастерлеп, рухын көтеру, үлгі - өнеге тұту.

Барысы: - Қайырлы күн, құрметті ұстаздар, оқушылар. Мемлекет басшысы Нұрсұлтан Назарбаевтың «Нұрлы жол – болашаққа бастар жол» атты Қазақстан халқына Жолдауында «2015 жыл – ұлттық тарихымызды ұлықтау және бүгінгі биіктерімізді бағалау тұрғысынан мерейлі белестер жылы. Қазақ хандығының 550 жылдығын, Қазақстан халқы Ассамблеясы мен Конституциямыздың 20 жылдығын, Ұлы Жеңістің 70 жылдығын атап өтеміз. Осынау тарихи белестер Жаңа Қазақстандық Патриотизмді ұрпақ жадына сіңіруде айрықша рөлге ие» деген болатын. Елбасымыз айтқандай, бүгінгі өткізіліп отырған іс - шара Ұлы Жеңістің 70 жылдығына арналады. Яғни, 25 қаңтар қазақтың тұңғыш генералы, Ұлы Отан соғысына қатысып көрсеткен ерліктері үшін Кеңес одағының батыры атанған батыр атамыз Сабыр Омарқұлұлы Рақымовтың туғанына 113 жыл толмақ, ендеше бүгінгі ғылыми конференциямыздың тақырыбы «Ел үмітін ер ақтар, ер атағын ел сақтар». Елдің үмітін ақтау үшін, Ұлы Отан соғысында, жауға қарсы кескілескен шайқаста өз өмірін құрбан еткен нағыз ерліктің үлгісін көрсеткен атамыздың атағын сақтап қалу біздің парызымыз деп санаймын. Ғылыми конференциямыздың мақсаты: Ұлы Отан соғысы туралы, ел еркіндігін, бостандығын қанымен қорғаған қазақтың тұңғыш генералы Сабыр Рахымовтың ерлік істерімен танысу. Батыр атамыздың ерліктеріне сүйене отырып, Отанға деген сүйіспеншілікті арттыру. Ұлы Отан соғысында ерлік көрсеткен атамыздың ерлік істерін қастерлеп, рухын көтеру, үлгі - өнеге тұту.
Ерлік жасаған адамға лайықты құрмет көрсетіңдер. Сонда өздерің де ерлік жасағанмен пара - пар боласыңдар - деген екен Мұхаммед пайғамбарымыз өзінің хадисінде.
«Генерал Рахимов» көркем фильмінен үзінді.
«Ер жігіт елі үшін туады, елі үшін өледі» Баяндамашы Толықбай Ұлжан.
«Железный генерал и железная леди» Баяндамашы Батырбек Ақниет.
Ән: От героев былых времен («Офицеры» фильмінен).
«General Iron and Iron Lady» Баяндамашы Әбдуәлі Ақторғын.
«Елі бар да ер ұмытылмайды» Баяндамашы Батырхан Мұхамеджан.
«Генерал Рахимов» көркем фильмінен үзінді.
Қорытынды: Бекасыл әулие (1822 - 1915)
Тектіден текті туады,
Тектілік тұқым қуады.
Тектілердің тұяғы,
Таңдайды құз - қияны.
Шын тектілер халқы үшін,
Өлімге басын қияды.
Жақсы, жаман деместен,
Жанына жұртын жияды…- деген екен. Түркілерден бұтақ жайып шыққандардың бірі біздер қазақтармыз. Біздерге сол Түркілер дәуіріндегі батырлардың ерлігі мен батырлығы, жау жүректілігі келген екен. Соның айғағы, сонау ауыз әдебиетінен өздерің оқып өткен Алпамыс, Қобыландылар, берідегі Қабанбай, Наурызбай батырлар. Жерін, елін қорғауда ХХ ғасырда Ұлы Отан соғысында қаншама батырларымыз ерлік үлгісін көрсетті. Ал одан жарты ғасыр кейін 1986 жылы 16 желтоқсанда көптеген аға, әпкелеріміз алаңға шығып Тәуелсіздігіміз үшін жол салды.
- Міне, балалар, батырлық ерлік біздің ұлтымыздың тамырлап, түптеп келе жатқан қасиеті екен. Сол қасиетті берік ұстап, жоғалтпай, Отанымызға, ұлтымызға қорған болатындай «ойында сәулесі бар, ісінде берекесі бар» Мәңгілік еліміздің білімді азаматы болып өсуіміз керек. – Олай болса, жер бетінде тек тыныштық орнасын, соғыс болмасын деген ниетпен, Ұлы Жеңіске арналған «О той весне» әнін қабыл алыңыздар.
- Қорытынды сөз мектеп - лицей директоры Гүлбану Шәріпбекқызына беріледі.


8 сынып оқушысы Мақашов Бақжан
Сабыр Рақымовқа арнау

Сұм сұрапыл соғыс өрті, елдің шетін шалғанда
Сабыр ата аттанады өз еркімен майданға
Ерлік ісі үлгі болып жас ұрпаққа
Батырлығы әйгілі болды шартарапқа.

Ұлы Отан соғысына қатыстыңыз
Азамат соғысын да сіз көрдіңіз
Сарбаздарды басқарып әділдікпен
Қай кезде де абыройлы сіз болдыңыз.

Сабыр ата үлгі аламыз өзіңізден
Қайсарлықта көрінеді көзіңізден
Батыр ата ерлігіңіз мәңгілік
Тұрар біздің жадымызда жыр болып.

Толық нұсқасын жүктеу
Категория: Тәрбие сағаты | Добавил: Злой_Админ)) | Теги: ел, ақтар, сақтар., үмітін, Жеңістің, ЕР, атағын, Ұлы
Просмотров: 200 | Загрузок: 0 | Рейтинг: 0.0/0
Всего комментариев: 0
avatar