Құтты болсын, құтты болсын, Жаңа жыл! - Тәрбие сағаты - Ұстаздарға көмек - Скачать Рефераты, слайды, тесты - Қазақстандық оқушыларға тегін рефераттар сайты
MENU
Главная » Файлы » Ұстаздарға көмек » Тәрбие сағаты

Құтты болсын, құтты болсын, Жаңа жыл!
24.09.2015, 15:46
Маңғыстау облысы, Бейнеу ауданы,
Сам орта мектебінде бастауыш сынып мұғалімі
Койшыбаева Баян Кипчаковна

Тақырыбы: Құтты болсын, құтты болсын, Жаңа жыл!

Жүргізуші: Уа, халайық, жарандар,
Айналаға қараңдар.
Жаңа жылдың бұл тойын,
Салтанатқа санаңдар!
Басқаға мойын бұрмаңдар!
Жаңа жылды жаңаша,
Қызықты ғып, шат қылып,
Өткізейік тамаша!
Армысыздар, құрметті ата – ана, қымбатты ұстаздар, оқушылар, қонақтар! Сіздерді Жаңа жыл мерекесімен құттықтаймыз. Міне сол күн, сол мереке биыл да келіп жетті. Сіздерді осы жаңа жыл мерекесімен құттықтай отырып, жаңа жыл тек қана жаңа табыс, береке, бірлік әкелсін дейміз.
Ақ көңілім айналды аппақ қарға,
Көңілдене қосыл сен ән мен жырға.
Қыс қызығы басылмай ұласады,
Қуанышы көп болсын Жаңа жылға!- дей отырып, жаңа жылдық би кешімізді бастауға рұқсат етіңіздер!
3 – сыныптардың өнерлерін тамашалаңыздар.

1. Ән: «Айгөлек»
Жаңа жылды қарсы алып,
Жасаймыз той жылда бір.
Жарқын, жарқын ән салып,
Жалғасады жырға жыр.
Балалар, бүгінгі біздің шыршамызға кімдер қонаққа келеді деп ойлайсыңдар?
Балалар: - Аяз Ата, Ақшақар
Жүргізуші: Иә, дұрыс айтасыңдар, Аяз Ата мен Ақшақар және біздің жаңа жылымыз келгенше, жасыл шырша жанында ескі жылмен бірге болуымыз керек ғой! Биылғы 2014 жыл қандай жыл еді?
Балалар: - Жылқы жылы.
Жүргізуші: - Дұрыс жылқы жылы еді, қарсы алайық!
(Музыка әуенімен жылқы келеді)
Жүргізуші: Жылқы жылы қадамың құтты болды. Балалар сізге дән риза. Жылқы жылы Жаңа жыл келгенше бізбен бірге болыңыз. Балалардың тамаша өнерлерін тамашалаңыз.

2. Би «Аррива»
Балалар, жылдағы дәстүрлі қонақтарымыз Аяз Ата мен Ақшақар көрінбейді ғой, қане, өзіміздің ортамызға шақырайық.
Бәрі / хормен/: Аяз Ата! Ақшақар!
Мыстан кемпір кіреді:
- Ә - ә - ә, менсіз мереке жасап, Жаңа жылды қарсы алып жатырсыңдар ма? Мерекені болғызбаймын. Маған өз өнерлеріңді көрсетпесеңдер, Аяз Ата мен Ақшақарды келтіртпеймін.
Жүргізуші: Балалар, мыстан кемпірге өз өнерімізді көрсетіп, шығарып салайық.

3. «Флешмоб»
Мыстан кемпір: Жарайсыңдар, балалар, енді Аяз Ата мен Ақшақарды бәріміз бірге шақырайық.

Бәрі Аяз Ата мен Ақшақарды шақырады.

Аяз Ата: Амансың ба, ұлдарым,
Амансың ба, қыздарым!
Қандай жарқын жүздерің,
Шаршап келдім алыстан,
Керемет бір ән тыңдап
Келіп тұр – ау дем алғым.
Ақшақар: Амансыздар ма, достар, ата – аналар, ұстаздар! Жаңа жылдарыңыз құтты болсын! Қой жылы – молшылықтың мәресі. Береке, бірлік, молшылық әкелсін!
Жүргізуші: - Аяз Ата, кел, отырыңыз, жолдан шаршап келген боларсыз, балалар сіздің көңіл – күйіңізді көтеріп, өз дері дайындап келген өнерлерін көрсетеді.

4. «Қуыршақ» биі.
Аяз Ата: Өнерлерің өссін, өркендерім! Билерің тамаша екен.
Жүргізуші: Аяз Ата енді ойын ойнайық.
«Орындық» ойыны: ( ойын шартын түсіндіру)
Ойын шарты: (балалар арасында өткізіледі)
5 орындық, 6 ойыншы шығады. Музыка әуенімен орындықты айналып билеп жүреді, музыка тоқтағанда орындыққа отырады.
Жүргізуші: Балалар, ортамызға, міне Аяз Ата, Ақшақар және ескі Жылқы жылы
келіп, ән салып, би билеп, ойын ойнап, қызықты думан өткізіп
жатырмыз. Бізге енді қандай жыл келуі керек?
Балалар: Жаңа жыл, Жаңа жыл!
Жүргізуші: Дұрыс, биылғы 2015 – жыл қандай жыл?
Балалар: Қой жылы, қой жылы!
Жүргізуші: Дұрыс, онда Жаңа жылымызды қарсы алайық!
(Музыка әуенімен қой келеді)

Қой: Ендім бүгін төріме,
Жақсылық себем көңілге.
Бейбітшілік пен ырыс – құт,
Әкелдім биыл еліңе!

Жүргізуші: Жаңа жылым бірлік берсін еліме,
Береке мен ырыс келсін жеріме!

5. Ән: «Жаңа жыл»

Жылқы: Жаңа жыл қош келдің. Балалар бір жылға есейді. Қой сен де жақсы жыл бол. Мен сендермен қоштасамын. Қош болыңдар!

Жүргізуші: О, халайық, жарандар,
Қилы – қилы заман бар,
Жылқы жылы шапқылап,
Кетіп барады, қараңдар.
О, халайық, халайық,
Хош айтысып қалайық.
Ескі жылмен қоштасып,
Келер жылмен достасып,
Жаңа жылды тойлайық!

6. « Клоун» биі.
Жүргізуші: Бишілерді би – билеуге шақырайық,
Қошеметпен, құрметпен қарсы алайық.
Бишілерді ырғалтып, би билетіп,
Қол соғып биік шыңға самғатайық – дей отырып,

8. «Коббой» биі: Жігіттер тобы
Жүргізуші: Аяз Ата, Ақшақар балаларымыздың ойынын тамашалауға қалай қарайсыздар, олардың шапшаңдығын, ептілігін сынап көрсек қайтеді?

Аяз Ата: Тамашалайық!

Жүргізуші: «Тәтті тоқаш» ойыны.

Ойын шарты: Әр сыныптан 2 баладан шығады. Жіпте ілініп тұрған тәтті тоқашты қолдың көмегінсіз яғни қолды арқасына қойып, жеу керек. Тәтті тоқашты кім бірінші бітіреді, сол жеңімпаз атанады.

Жеңген баланы марапаттау, мадақтау.

9. «Жаңа жылға тарту» биі.
Жүргізуші: Жаңа жыл, Аяз Ата, Ақшақар, балаларымыздың тағы өнерлері бар екен, тамашаласақ қайтеді?

10. Ән: Жаңа жыл келді еліме»
Қорытынды:
Көргенде қуанасың таза әуені,
Құлаққа естілгендей қыс әуені.
Жыл сайын тойлататын мәңгі – бақи,
Жаңа жыл құтты болсын қазақ елі!

Міне, қымбатты балалар! Бірлесіп өткізген мереке қашанда қызықты өтеді. Достық, бірлік бәрін де жеңеді. Құрметті ата – аналар бүгінгі біздің 3 – сыныптар арасында өткізіліп жатқан жаңа жыл мерекеміз осымен аяқталды. Тағы да жаңа жыл құтты болсын, елімізге құт – береке алып келсін. Көріскенше күн нұрлы болсын!
Категория: Тәрбие сағаты | Добавил: Злой_Админ)) | Теги: жыл!, жаңа, Құтты, болсын
Просмотров: 241 | Загрузок: 0 | Рейтинг: 0.0/0
Всего комментариев: 0
avatar