Желтоқсан оқиға емес бола салған ... - Тәрбие сағаты - Ұстаздарға көмек - Скачать Рефераты, слайды, тесты - Қазақстандық оқушыларға тегін рефераттар сайты
MENU
Главная » Файлы » Ұстаздарға көмек » Тәрбие сағаты

Желтоқсан оқиға емес бола салған ...
24.09.2015, 10:53
Маңғыстау облысы, Бейнеу ауданы,
Сам орта мектебінде бастауыш сынып мұғалімі
Койшыбаева Баян Кипчаковна

Тақырыбы: Желтоқсан оқиға емес бола салған...
Сабақтың мақсаты: Ұзақ жылдар бойы бостандық үшін күрес жолында қан да, жас та, тер де төгілген тәуелсіздік біздің халқымыз үшін аса қымбат екенін, желтоқсан көтерілісінің құрбандарын үлгі - өнеге ете отырып, оқушылардың елін, жерін қорғауға дайын болуға, өз елін сүйетін патриот болуға тәрбиелеу.
Сабақтың көрнекілігі: Сыпатаев Ерболдың, Асанова Ләззаттың, Мұхаметжанова Сәбираның, Рысқұлбеков Қайраттың суреттері.

Қанатты сөздер: «Ұрпақтың ұмытылмас мәңгі ұраны,
Желтоқсан жүректерде жаңғырады!»
Желтоқсанның алауы – Тәуелсіздік жалауы

Тәрбие сағаттың барысы:
Мұғалім сөзі: Желтоқсан оқиға емес бола салған,
Жастар – ер, тағдырымен таласа алған.
Желтоқсан – рухымыздың ірілігі,
Қазаққа жараса ма аласарған?!

Қазақстан тарихында XVIII ғасырдан Қазан төңкерісіне дейін 200 - ден астам көтерілістер болды. Сан ғасырға созылған ұлт азаттық күрестің ең соңғысы 1986 16 желтоқсанда жергілікті сағат 10. 00 - де Қазақстан Компартиясы Орталық комитетінің 1 - хатшысы Д. А. Қонаев орнынан алынып, оның орнына Ульянск облыстық партия комитетінің басшысы Г. Б. Колбин сайланады. Мұның бәрі Мәскеуде әзірленген сценарий бойынша іске асып жатты. Ата – бабамыздың ғасырлар бойы қорғап, аманат еткен елді, жерді өз елінен шыққан азамат басқаруға лайықты деп таппаған әміршіл жүйеге наразы болған қазақ жастары алаңға шеруге шығады.

Дауылға желтоқсанның желі айналды,
Ашуға мінді Алатау кәрі, айбарлы.
Күтпеген іс ақыры не болды деп,
Күллі әлем Алматыға қарай қалды.

Ән: «Желтоқсан желі»

Мұғалім сөзі:
Балалар енді желтоқсан оқиғасына байланысты тақпақтарымызды айтайықшы.

Нұрбек:
Қазақ қызын сүйреткен бұрымынан,
Тепкілеген белінен, жұлынынан.
Тұяқ серпкен түрі еді бодандықтың,
Құлап бара жатқанда тұғырынан.
Шаршатып қамыт киген жылдарымыз,
Намысқа басқан нағыз ұлдарымыз.
Бәйгеге басын тігіп ұлты үшін,
Деді олар: «Тәуелсіздік құрбанымыз!»

Ақбота:
Жігіттер сұр қасқырдай сұсы басым,
Ыза - кек билеп алып түсі – басын...
Көздері - от, сөздері – сот, мәлім етті:
«Жас саясат, иегі қышымасын!»
Өр қыздар қанаттасып өңшең елік,
Отқа май құйып жүрді өршеленіп.
Біз сонда қазақтағы қайсарлықты,
Көзін ашып бар ғалам көрсе дедік,

Тілектес: Қанымыз басымызға көтеріліп,
Құдайдан тілемедік бөтен үміт.
Қазақтың тілін, ділін, дінін бұзар
Керек емес бізге енді бөтен үгіт.

Қабыл:
Кез емес жаугершілік «аттан» атты,
Алаңның шеруі емес салтанатты.
Қытымыр қыстың басы, сол бір айда,
Желтоқсан желі әлемді жалт қаратты.

Жарылқасын:
Бодандыққа наразылық күнісің,
Әміршілдік саясаттан ірісің.
Қойдай момын қазағыма күш берген
Намысы ерен, арлы күннің бірісің.
О, желтоқсан, намыс отын тұтатқан,
Сен тарихқа кірдің ерлік атымен.
Мейлі сені аз оқиық кітаптан,

Мәңгіліксің зор даңқыңның затымен.

Ән: «Қара бауыр қасқалдақ» Орындайды: Набатова Ұлболсын

Қара бауыр қасқалдақ, қайда ұштың пыр – пырлап – ау?
Сазың қалды сәбидің еңбегіндей былқылдап - ей
Қара бауыр қасқалдақ, кері қайт,
Сиреп қалған тоғайға «қамықпа» деп көңіл айт

Қайырмасы:
Ұя қалса иесіз – айдын үшін сол қайғы,
Қаңғып келген шүрегей көлге пана болмайды.

Өз босағаң – бұл жердің тауы, қыры, белесі,
Босағасын басқаға тастай ма екен, о, несі,
Қара бауыр қасқалдақ, кері қайт,
Сиреп қалған тоғайға «қамықпа» деп көңіл айт

Тақпақтарымызды жалғастырайық
Ерсұлтан:
Бодандыққа наразылық күнісің,
Бар мереке, мейрамдардан ірісің.
Алашымның арман, арын жалғаған,
Сен, Желтоқсан мәңгілікке тірісің.
Тау мен тасқа соғып сап сау бастарын,
Мәңгіліктің отын жаққан жастарым.
Ұл боп туып, құл боп өлу ұят деп,
Дүр сілкінткен момын елдің аспанын.

Толық нұсқасын жүктеу
Категория: Тәрбие сағаты | Добавил: Злой_Админ)) | Теги: емес, салған, бола, ..., оқиға, Желтоқсан
Просмотров: 149 | Загрузок: 0 | Рейтинг: 0.0/0
Всего комментариев: 0
avatar